Continuando coas actividades complementarias do curso sobre historia e patrimonio marítimos de Galicia impartidos na UNED Senior de Viveiro polo profesor José Manuel Vázquez Lijó, o pasado xoves 24 de maio, o alumnado do mesmo percorreu o arsenal de Ferrol, exemplo máximo de patrimonio industrial vencellado á Armada. Tras a visita á grandiosa Sala de Armas é ao non menos espectacular Dique da Campana, desprazánronse ata o Castelo de San Felipe, obra senlleira da arquitectura militar do século XVIII, e clave do antigo sistema defensivo da ría ferrolana.
