O alcalde de Cervo, Alfonso Villares, e a edil de Servizos Sociais, Pilar Armada, quixeron felicitar persoalmente á veciña máis lonxeva do Concello, María Martínez Paleo, no seu 103 aniversaio, facéndolle entrega dun ramo de frores. O rexedor e a edil pasaron un anaco coa muller, que vive en San Ciprián, e coa súa familia, e destacaron a vitalidade e a alegría que desprende María.
