Mañá, sábado, será cando teña lugar ás 20:00 horas no restaurante Burela unha degustación de bonito. Alí o rexedor, os xubilados do mar e Ledicia explicarán como se captura este túnido e o que supón para a economía de Burela, entre outras cousas. Alfredo Llano tamén falará do barco museo Reina del Carmen, a mellor forma de achegarse ás costeiras do bonito para entendelas. O rexedor fará fincapé en que se trata do único barco museo flotante que existe en España.
Con esta campaña de promoción de Burela en Madrid o que se persegue é tentar conseguir a declaración de festa de interese turístico nacional para a feira do bonito, que se celebra a principios de agosto.
