Alfoz clausura o curso do programa de estimulación cognitiva “Activamente”

Alfoz 15-6-18. O Programa “ActivaMENTE” clausurou esta semana o seu curso cunha última xornada na que os mais de vinte participantes compartiron unha merenda e recibiron o correspondente diploma acreditativo da súa participación, así como uns pequenos agasallos. Na clausura participou Carmen Geada, Concelleira de Igualdade de Benestar, quen estivo acompañada do Tenente Alcalde Xabier Pardiñas.
Tatiana Barreira, responsable do programa, destaca que “foron uns meses durante os que se compartiron moi bos momentos e moitas anécdotas ademais de, por suposto, realizar as actividades propias deste programa de fomento do envellecemento activo e saudable das persoas maiores”.
Desde a Concellería de Igualdade e Benestar do Concello de Alfoz, deséxanlle a todos os participantes unhas merecidas vacacións de verán, antes do novo inicio do curso programado para o mes de outubro.