Entre as 11:00 e as 14:00 horas, os grupos escoitaron ao profesor Steinmayer falar sobre as directrices pedagóxicas do sistema educativo alemán, e desgranaron o horario lectivo do alumnado da súa mesma idade. Así mesmo, traballouse co grupo de alumnos e alumnas da materia EUROPA de 1º BACH sobre os elementos comúns e diverxentes do sistema educativo europeo, as institucións que o fan posible, a situación da Unión Europea e a súa problemática actual, e as posibilidades que, desde as institucións oficiais da UE se ofertan para os xoves. Tamén presentáronse os contidos de traballo conxunto que os centros coordinador e socio desenvolverán ao longo do vindeiro curso e que deberá confeccionar o alumnado implicado: blog, presentacións e rutas, traballos individuais e conxuntos,… Un material que esperan poñer a disposición de toda a comunidade educativa durante o tempo do proxecto.
Manuel Yáñez Dablanca
Coordinador do proxecto ERASMUS+