Pola súa banda, Val Díaz, agradeceu a continua colaboración do Executivo Provincial co municipio e tamén a implicación dos veciños, xa que grazas a eles “poderemos consolidar como un evento punteiro para a zona, tal e como acontecía hai 30 anos”.
Ademais de produtos da zona ademais como cereixas e obxectos de artesanía, houbo música tradicional, unha mostra da raza “Can de Palleiro”, cea, baile e outras actividades.
Houbo premios de 150 euros ao gandeiro con maior número de vacas e cabalos e 80 euros ao mellor cabalo de montura, ao mellor cabalo de tiro e á mellor vaca. A festa contou cunha vintena de postos, a maioría gastronómicos: cereixas, froita, xeados, churros, mel, pan, empanadas, doces, queixos ou embutidos, tanto de Galicia como de Cantabria e León. A estes expositores sumáronse outros de roupa, xoguetes de madeira e maquinaria agrícola.
Local social
García Bermúdez a Val Díaz participaron tamén na inauguración do novo local social se San Sebastián de Carballido, financiado con 12.000 euros da Deputación, no que se fixo unha exposición fotográfica. Con estes fondos, rehabilitouse por completo un antigo local e dotouse de servizos para que os máis de 120 veciños que integran esta asociación “teñan un lugar de reunión para facer veciñanza”, explicou a Deputada.