Viveiro 20-6-18. O concello remitiu a Portos de Galicia e ao Instituto Social da Seguridade Social dous escritos solicitando que durante o período estival se autorizase o uso das explanadas do porto deportivo e do casino, por un lado, e da explanada situada ao lado de Correos, polo outro, para seren utilizadas como aparcamento. Tal e como se indicaba nas solicitudes, durante os meses de xuño, xullo e agosto o Concello de Viveiro incrementa notablemente a súa poboación e o número de visitantes, polo que se fai necesaria habilitar máis zonas de estacionamento. Dende o Concello, agárdase que estas solicitudes sexan resoltas favorablemente en beneficio deste municipio.