As bancadas do estadio estiveron cheas de xente gozando do mellor de todos os campeinatos galegos celebrados ata agora, demostrando que cada vez son máis os atletas veteráns en Galicia.
O gran destacado da proba foi o atleta José Rioseco do C.D.Egovarros-Viveiro que bateu o record do mundo na proba dos 1500 metros na categoría de M75, facendo un extraordinario tempo de 5:11:27, rebaixando en 11 segundos a anterior plusmarca mundial que estaba en posesión do atleta xaponés Shichiro Midorikawa que tiña un tempo de 5:22:40, a próxima proba na que participará Rioseco será o Campeonato de España en Vitoria que lle servirá de preparación para rematar a tempada co campionato do mundo que se celebrará no mes de setembro en Málaga.
Outros medallistas foron na categoría femenina: Susana Parguiña foi campeona galega nos 1500m e 5000m en W50. No apartado masculino: Domingo Álvarez na categoría de M65, foi medalla de ouro nos 800m e nos 1500m e medalla de prata nos 400m, Salvador Patiño en categoría M65 foi medalla de ouro en salto de lonxitude e en lanzamento de peso, Luis Miguel García na categoría M60, conseguiu a medalla de bronce en 200m e Andrés Piñón en M45 foi medalla de ouro na proba de 5000 metros.
Outros atletas que tamén destacaron foron: Rubén Vila, Jose Ángel López, Marcelo Vasquez e Roberto Collazo.