Campos Conde apuntou que “creo que é preciso poñer en valor este encontro, no que estamos a avanzar en todo o traballo que aínda nos queda por facer para dar resposta as necesidades dos veciños, que defendiamos antes e que continuamos a defender hoxe en día. Nos non somos como o PP, indiferentemente se estamos no Goberno ou na oposición, continuamos a defender as mesmas reivindicacións para a provincia de Lugo”.
“Considero, máis concretamente, que se deben reforzar os medios, tanto persoais como humanos, das Forzas e Corpos de Seguridade do Estado. Ademais, dentro da figura que ten o Delegado, de mediar entre o Goberno e os Territorios, é preciso que se poñan a disposición dos Concellos para que dispoñan dos seus recursos, como son os remanentes ou a taxa de reposición. Son varias as infraestruturas que reivindicamos e que precisamos na provina de Lugo, e que agardamos se nos teñan en conta”, apuntou.
Neste senso, apelou tamén á situación do Goberno Central “no que é preciso chegar a acordos e consenso para poder desenvolver os proxectos que a cidadanía se merece”.
Losada de Azpiazu destacou que “hoxe para min é un día de ledicia pois, vir a Lugo, é vir a unha provincia que ten un gran potencial. Viñen a trasladarlle ao Presidente o apoio do Goberno de España aos proxectos para os que hai compromiso, tanto do Goberno de España, como do Presidente Pedro Sánchez, como son a alta velocidade nos tempos previstos, conseguir que a conexión a Santiago por autovía remate tamén nos tempos indicados, para darlle un pulo á conexión con Ourense, para facer da seguridade ou contra a loita contra a violencia de xénero”.
“Tal e como dixen cando tomei posesión como delegado do Goberno de España, busco a proximidade, chegar a todos os recunchos de Galicia, así como escoitar aos cidadáns e tamén que os cidadáns escoiten a labor deste goberno. Hoxe tiven a oportunidade de trasladarlle ao Presidente os proxectos xa en marcha e tamén ir preparando as vindeiras reunións para que as actuacións que xa estaban comprometidas, pero que nunca se levaron a cabo polo anterior goberno, se fágan realidade, porque os lucenses meréceno”, destacou.