Cento dez nenas e nenos participan nas colonias de verán, que organiza a Concellaría de Xuventude de Ribadeo. As actividades, que se desenvolven durante este mes de xullo, realízanse nas instalacións do colexio Gregorio Sanz

Ribadeo, 16 de xullo de 2018. Cento dez nenas e nenos participan nas colonias de verán, que organiza a Concellaría de Xuventude. Os rapaces gozan de numerosas actividades durante todo este mes.

A edil Vanesa Yanes explica que “en Ribadeo seguimos coas colonias de verán, como cada ano por estas datas. Estas actividades realízanse no colexio Gregorio Sanz durante todo o mes de xullo”.

E engade que “casa semana participan 110 nenas e nenos con idades comprendidas entre os 3 e os 12 anos”.

A concelleira nacionalista conta que “@s cativ@s participan en viaxes a parques acuáticos, excursións, contacontos, deportes, manualidades, dramatización, deportes de aventura, viaxes en tren, xogos…. Este programa de actividades foi elaborado coa intención de crear un mundo de ilusión e creatividade para que este verán perdure nas súas memorias”.