“Temos dereitos e temos dignidade para defendelos”
As xubiladas e pensionistas manifestaron tamén o seu descontento coa actitude que os diferentes partidos presentes no Congreso dos Deputados mantenen a respecto dos pensionistas, aos que usan como moeda de cambio nas negociacións dos orzamentos, pero que ao final os acordados tomados non os efectivizan nin os concretan. Por eso o colectivo barreirense fixo fincapé na necesidade de seguir saindo á rúa a defender os dereitos dos pensionistas de hoxe, pero tamén das traballadoras e traballadores que serán os pensionistas de mañá. “Temos dereitos e temos dignidade para defendelos”, manifestaron. E nese mesmo sentido dirixíronse tamén aos sindicatos que nos últimos anos secundaron as políticas antisociais e antiobreiras dos diferentes gobernos do Estado que levaron a cabo as reformas laborais que xeneraron esta delicada situación. Por eso entenden que para acadar unha solución para agora e para o futuro, o novo goberno tén que proceder á derrogación das reformas laborais lexislando para restituir os dereitos perdidos, recoñecer o dereito á xubilación ordinaria ao 65 anos, pensión mínima non inferior ao SMI e blindar o sistema público de pensións.
Mais de 250 tarxetas reivindicativas repartidas desde o pasado xoves
Na concentración celebrada hoxe deron conta tamén de que xa ían repartidas mais de 250 tarxetas reivindicativas, que de xeito simbólico representa a adhesión a esta loita que ademais de Barreiros está a desenvolverse noutras localidades da Mariña coma Foz, Lourenzá, Mondoñedo ou Ribadeo.
O colectivo barreirense convoca xa para a o xoves 19 de xullo ás 12 da mañá na praza do concello a seguinte mobilización.