Vidal Baamonde avanzou que “esta cita, que xa está consolidada dentro da programación estival, inclúe máis de 20 actividades diferentes como: charlas sobre o período normando, pasarrúas, desfiles, combates e torneos, actuacións musicais, espectáculos con lume, contacontos, xantares ou desembarco viquingo”.
O Deputado lembrou que “a Romaría é un evento moi importante para este Concello ao atraer a milleiros de visitantes que coñecerán e desfrutarán de atractivos turísticos como a praia de Area Grande de San Román, un lugar que garda asentamentos viquingos, e que constitúe un atractivo en toda a provincia”.