Este Mercado, foi declarado Festa de Interese Turístico Galego, e desenvolvese entre os días 10 e o domingo 12 de agosto no casco histórico de Mondoñedo. Na programación inclúese animación de rúa, música, actividades de recreación histórica, demostracións e obradoiros para todas as idades, degustacións e venda de produtos da terra.
O Executivo Provincial colabora con esta Feira para impulsar o turismo e a actividade económica nesta cidade e na Comarca da Mariña, pero ademais, impulsa outras citas turísticas e punteiras en Mondoñedo, como son as Feiras da San Lucas, considerada unha das citas de gando cabalar máis antiga de Europa; así como de recursos turísticos, como as Covas do Rei Cintolo.
Dende o Goberno da Deputación, agradecen o traballo e o esforzo realizado durante todos estes anos por todos os colaboradores e voluntarios do Mercado Medieval de Mondoñedo, como, por exemplo, o pregoeiro, José Ramón Montenegro Espina, que colabora dende os inicios do Mercado.
Ademais dentro das axudas culturais de concorrencia competitiva da Deputación, a Asociación mindoniense Xoldra recibe unha achega económica de 1.000 euros para organización dun concerto dos Festicultores, enmarcada dentro da programación do Mercado Medieval 2018.