A subdelegada do Goberno explicou que “este é un acto de despedida logo destes dous meses de vacacións na provincia de Lugo porque algúns deles xa marchan esta semana, tamén é un acto de agradecemento pola súa xenerosidade, ás familias que os acolleron durante este verán en distintos concellos da nosa provincia”.
Once nenos e nenas, de entre 11 e 14 anos, que pasan o verán en Lugo, Barreiros, Ourol e A Pastoriza, acompañados polas súas familias de acollida visitaron a Subdelegación do Goberno en Lugo antes de poñer fin ás súas vacacións en Lugo. O mércores, día 29, marchará o primeiro grupo logo dunha estadía de dous meses. O último grupo deixará Lugo o día 10 de setembro.
A celebración desta visita dos nenos e nenas saharauis á Subdelegación do Goberno foi un dos temas que tratou Isabel Rodríguez no encontro que mantivo o pasado 13 de agosto coa presidenta da asociación Solidariedade Galega co Pobo Saharaui, Maite Isla.