Chegou ao Hospital da Costa, en Burela, o pontevedrés Víctor Loira, que está a percorrer Galicia desde a cidade do Lérez ata Compostela para visibilizar as enfermidades inflamatorias intestinais e para recadar fondos para o proxecto Siéntate

Son 1.320 quilómetros os que está a realizar nesta Volta a Galicia en patinete e en bicicleta. Á sétima etapa desta fazaña, que comezou o 19 de agosto e rematará o 4 de setembro, foi a que discorreu entre o HULA, en Lugo, e o Hospital da Costa, en Burela, onde foi recibido por persoal deste centro, polo alcalde, Alfredo Llano, e polo concelleiro de Sanidade, José Díaz. O treito entre Lugo e Burela foi feito en bicicleta. Este domingo, Víctor Loira fará en patinete os quilómetros que separan Burela de Ortigueira.