O Goberno da Deputación é o principal patrocinador desta proba deportiva cunha achega 7.000 euros. Este investimento permite a organización desta tradicional Travesía, a terceira proba deste tipo máis lonxeva de España e a segunda de Galicia, posto que se organizou por primeira vez no ano 1962 e, dende entón, veuse disputando de maneira ininterrompida ata a actualidade.
As modalidades que compiten nesta proba son K1, K2, C1 e C2, puntuables para a Liga Galega de piragüismo nas categorías sénior, xuvenil, cadete e veterano, masculinas e femininas. A proba pertence ao Grupo 1, converténdoa nunha das competicións con maior cantidade de puntos a repartir, e polo tanto do máximo nivel, dentro da Liga Galega.
A Deputada de Promoción Económica e Social, Sonsoles Izquierdo, xunto con outras autoridades, participou na entrega de premios aos gañadores de cada competición. “Quero lembrar que o Executivo fixo que a Deputación sexa a admistración galega que máis inviste en deporte na provincia de Lugo, e facémolo dentro da nosa aposta por un estilo de vida saudable e polo fomento de eventos que logran reunir a un elevado volume de público, xerando riqueza no noso territorio, como é esta Travesía”, dixo.