Santos Ramos destacou que “moitos galegos quixemos hoxe acompañar aos profesionais da TVG e Radio Galega, ao igual que aos de RTVE en Galicia, na súa loita pola dignidade profesional e informativa; na defensa de poder exercer o traballo para o que están cualificados; informar, formar e entreter dende uns medios públicos que son de todos os cidadáns”.
“Quero darlles a noraboa pola valentía de erguer a voz contra este atropelo á súa dignidade profesional e tamén ao respecto que todos os galegos merecemos. Non podemos consentir que un galego que vexa a TVG non saiba o que está pasando en Galicia. Que un galego que escoite a radio galega non escoite e coñeza o que esta pasando en Galicia”.
“O Partido Popular non deixa aos profesionais dos medios públicos ofrecer aos veciños información libre e veraz. Tenos represaliados para ocultar informacións e manipular outras co fin de que o único e exclusivamente que chegue aos veciños sexa o que lle interesa ao PP de Feijóo”.
“Dende o PSOE de Lugo non imos ser cómplices calados e silenciosos desta violación e atropelo ao dereito á información e á dignidade profesional de centos de profesionais que todos os días se esforzan para informarnos, formarnos ou entreternos e ven como o seu traballo é recortado e esnaquizado por esta manipulación do PP, que parece non ter freo”.
“Hoxe erguemos a voz con eles, acompañándoos na defensa dunha Galicia libre, que nunca chegará sen información libre e veraz”.