José Ramón Soto foi o gañador dos 500 euros en vales de compra para gastar nos establecementos asociados a Beiras de Viveiro. En Covas desenvolveuse o sorteo da FCAM este sábado

A Mariña, 30 de setembro de 2018. Parquemar, en Covas, acolleu na tarde-noite de onte, sábado, o segundo dos oito sorteos que a FCAM realizará ata o 10 de novembro e nos que está a repartir más de 10.000 euros en premios. Cada fin de semana póñense en xogo 1.500 euros en vales de compra.
Os gañadores dos premios de 100 euros en vales de compra para gastar nos establecementos asociados Beiras de Viveiro foron: Marisol Herbón, Rocío Piñón, Rogelio Campos, Ana Berta Díaz e Tatiana Gómez. Tres dos afortunados son de Covas e dous de Cantarrana. Con 200 euros resultou premiada Marisol Herbón, de Covas. E con 300 euros Tatiana Gómez, de Cantarrana. O premio de 500 euros en vales de compra foi para José Ramón Soto, de Viveiro.
Os premios foron entregados por directivos da asociación Beiras de Viveiro.
O seguinte sorteo desta importante campaña da FCAM terá lugar en Burela o 6 de outubro; seguirán en Ribadeo, o día 13; en Foz, o día 20; e en Lourenzá o 27 de outubro. Os sorteos continuarán en Xove o 3 de novembro e rematarán o 10 de novembro en O Vicedo.