A formación nacionalista denunciou tamén o feito de que as estradas se bacheen puntualmente para o paso da proba ciclista, cando incomprensiblemente está sen adxudicarse definitivamente o arranxo integral da N-642, que foi licitado en xaneiro. “Esta comarca non pode seguir aturando estes desplantes e afrentas dos gobernos de Madrid, e se somos unha referencia turística e económica temos que ter as infraestruturas viarias apropiadas e acordes co século XXI”., afirmaron desde o BNG comarcal, que tamén acusaron ao goberno autonómico e ao goberno central do aillamento ao que condean a Viveiro, a cidade mais poboada da Mariña.
Os nacionalistas instan ao goberno central e a todas as forzas políticas con representación no Congreso dos Deputados a traballar pola axilización dos prazos e da aplicación das respectivas consignacións orzamentarias para a autovía Barreiros – San Cibrao e así mesmo axilizar a adxudicación do arranxo integral da N-642. No mesmo sentido instan ao goberno autonómico a rematar o corredor San Cibrao – Ferrol.
A este acto reivindicativo acudiron membros do BNG e veciñ@s en xeral.