O Concello de Cervo está a colaborar coa S.D. Cervo Sargadelos na posta a punto da Bidueira neste inicio de tempada

Cervo, 26 de setembro de 2018.- O Concello de Cervo está a colaborar coa Sociedade Deportiva Cervo Sargadelos na posta a punto do campo da Bidueira neste inicio de tempada. Trátase dunha acción puntual que se levou a cabo a petición da entidade.
O rexedor, Alfonso Villares e o edil de Deportes, José Ramón Soto, acompañados por Ramón Luis Bernardo, da directiva do club, estiveron vendo in situ os traballos que están a desenvolver estes días os operarios municipais, “que procederon ao cortado do céspede do campo, aplicándolle un abonado de cobertera e un tratamento específico para a eliminación das malas herbas e das follas anchas”.