O Concello de Ribadeo reanuda desde hoxe, martes, o Servizo de Orientación Laboral dirixido a mellorar a empregabilidade e a cualificación profesional das persoas desempregadas mediante a información, o diagnóstico, o asesoramento, a motivación e o acompañamento nos procesos de busca e/ou cambio de emprego. Desde a Concellaría de Desenvolvemento Local explican que “este servizo está situado nas dependencias municipais, na Praza de España, e vai dirixido tanto ás persoas desempregadas coma ás persoas ocupadas que desexen mellorar a súa empregabilidade. Para poder acceder a el as persoas interesadas poden solicitar cita na súa Oficina de Emprego ou a través do propio Servizo de Orientación Laboral do Concello de Ribadeo”.