O Vicepresidente da Deputación, Argelio Fernández Queipo, e o Alcalde do Valadouro, Edmundo Maseda Maseda, supervisaron este martes o desenvolvemento das obras que o Goberno da Deputación financia no Valadouro con 112.500 euros, cos que se arranxaron 4,4 quilómetros de dúas estradas provinciais. En concreto, trátase da LU-P-1502, que vai de Burela a Ferreira por Vilaestrofe, e da LU-P-6303, que conecta Campón co Eixo de Moas por Güin.
