Ribadeo, 19 de outubro de 2018. O vindeiro martes, 23 de outubro, ás 12:30 horas no Cine Teatro terá lugar a presentación do vídeoclip musical EN PAZ- (Ach Dani), realizado durante o curso pasado por o alumnado de básica do CIFP Porta da Auga e por Adrián Yáñez, (Deep Riot), alumno do ciclo de Educación Infantil do mesmo centro.
Asistirán todo o alumnado de 4º de ESO dos centros ribadenses, así como todos os participantes na rodaxe do vídeo (Audiovisuais El Farero, alumnas do Ciclo de Educación Infantil como extras, etc). Tamén estarán o alcalde, Fernando Suárez, e a concelleira de Servizos Sociosanitarios, Sonia Meilán, ademais da persoa que amablemente nos fixo a tradución do árabe.
Este vídeoclip enmárcase dentro dun proxecto do Programa de Prevención de Drogodependencias e outros trastornos aditivos e trata de falar do controvertido tema do consumo de cannabis por parte da mocidade.