Esta campaña que o BNG iniciou no mes de outubro, vén percorrendo os concellos da Mariña, con actos públicos, mesa de recollida de sinaturas e divulgación de información. Os nacionalistas realizaron xa este tipo de actos en varios concellos da comarca, e o próximo sábado 1 de decembro, ademáis de Foz, haberá tamén acto informativo en Viveiro.
No plano institucional o BNG está levando tamén mocións aos concellos, nas que se pide una tarifa eléctrica propia para Galiza, a baixada do IVE na factura eléctrica e a socialización dos beneficios xerados pola producción eléctrica en Galiza, país excedentario en enerxía.
