Desde a directiva de Acisa consideran “positivo que grazas a este convenio os nosos socios e socias terán unhas condicións moi vantaxosas para algo tan importante como é a publicidade, nun lugar como o campo de fútbol polo que pasa moita xente de Ribadeo e de fora da localidade ao longo de todo o ano nos partidos que alí se disputan, torneos e campionatos”.
E engaden que “tamén estamos moi satisfeitos de poder subscribir convenios con outras entidades de Ribadeo como clubs ou asociacións, que redunden en beneficio dos nosos asociados e asociadas, á vez que amosan diversas sinerxias entre asociacións, con accións positivas para ambas”.
