Batuka Tabanka en concerto no Outono Cultural de Viveiro

Viveiro 10-11-18. O colectivo viveirés Pensamento e Sementeira segue programando actividades dentro do ciclo do Outono Cultural. Desta vez voltan cos “xoves musicais” e traen a Viveiro ao grupo de mulleres caboverdianas Batuka Tabanka que cantarán e contarán as súas vivencias no salón de actos do Conservatorio Profesional de Música este xoves 15 de novembro desde ás 20.30 horas.
A entrada a este concerto é libre até completar o aforo da sala.
O segundo dos “xoves musicais” estará protagonizado polo Coro da Mariña que dirixen Pierrot Rougier e Ugia Pedreira. Será o 29 de novembro, no Teatro Pastor Díaz.