O salón de actos do centro cívico de Xove acolleu este sábado o sétimo dos oito sorteos que a FCAM

A Mariña, 3 de novembro de 2018. O salón de actos do centro cívico de Xove acolleu esta noite o sétimo dos oito sorteos que a FCAM realiza ata o 10 de novembro e nos que está a repartir máis de 10.000 euros en premios. Cada fin de semana póñense en xogo 1.500 euros en vales de compra.
Os gañadores dos premios de 100 euros en vales de compra para gastar nos establecementos asociados á Aciam xovense foron: Cristina Franco, Manuel Pena, Paula Fernández, José Prieto e Antoneta Macau. A gañadora dos 200 euros foi Isabel Puñal; os 300 euros foron para Emilio Rego; e a gañadora dos 500 euros en vales de compra foi Antoneta Macau.
Os encargados de entregar os premios aos afortunados e afortunadas deste sorteo da Federación de Comercio A Mariña foron o presidente da Asociación de Comerciantes de Xove, Juan Carlos López, e o alcalde, Demetrio Salgueiro.
O último sorteo desta importante campaña da FCAM será o vindeiro sábado, 10 de novembro, en O Vicedo.