Esta formación está co-dirixida por Ugia Pedreira e Pierrot Rougier e naceu hai uns meses. Participan nela arredor de trinta persoas procedentes de distintos puntos da Mariña cun repertorio moi variado e de temática mariñeira. O concerto do Coro da Mariña será no Teatro Pastor Díaz de Viveiro e dará comezo ás oito e media da tarde. A entrada é libre até completar o aforo.
