Grazas a Carmen Pernas, médica especialista en familia e formadora, os pícaros de secundaria puideron coñecer, máis polo miúdo, como actuar en casos de perda de coñecemento, atragoamentos ou as maniobras relacionadas coa RCP. A formación combinou sesións teóricas e prácticas. Nestas últimas, Carmen estivo acompañada tamén por persoal sanitario (Alberto Castillo e Noelia Ferreira) que colaborou na explicación.
As sesións prácticas baseáronse en catro estacións, polas que o alumnado debía ir rotando, onde se executaba o aprendido nas clases teóricas: ventilacións, masaxes, posicións laterais de seguridade, uso do DEA etc.
Asemade, desde o Colexio Martínez Otero, queremos agradecerlle tamén ao Colexio Oficial de Médicos de Lugo que nos facilitase todo o material necesario para a realización desta actividade, que consideramos tan útil e necesaria.