As melloras consistiron nunha nova pavimentación destas estradas, mediante a extensión dunha capa de asfalto en quente que substitúe ao pavimento anterior, que na maior parte dos casos era a base de rego asfáltico. Ademais, de xeito complementario, as obras incluíron a limpeza e apertura de cunetas e adecuación dos pozos de rexistro conforme á nova rasante da calzada.
O delegado territorial da Xunta en Lugo, José Manuel Balseiro, acompañado do alcalde da localidade, Jesús Martínez, visitaron os espazos nos que se actuou e comprobaron o resultado dunhas obras que ofrecen a veciños e usuarios desta vía unhas estradas moito máis modernas, seguras e confortables para a circulación.
A administración autonómica asumiu o cen por cen do custe destas obras con cargo á orde de mellora de infraestruturas e espazos públicos que convoca a Consellería de Medio Ambiente, Territorio e Vivenda.