Burela, 28 de decembro de 2018. O alcalde, Alfredo Llano, salienta a grande cantidade de actividades que se están a desenvolver no Nadal na vila, organizadas por Ledicia, pola Acia e polo Concello, co obxectivo “de que veña moita xente a Burela”. O rexedor referiuse á calidade de espectáculos como o ballet clásico ou os musicais dos que poden disfrutar os bureleses, e tamén moitas persoas chegadas doutros puntos da contorna. Llano subliñou que Burela está a soar moito fora da comarca da Mariña.
O alcalde comentou que “este Nadal estamos tratando de motivar que veña moita xente a Burela. Hai días que estamos organizando, a partes iguais, por parte de Acia, a asociación Ledicia máis o Concello. Temos un programa extraordinario e esta edición de Nadal está sendo moi visitada por moita xente. A representación do ballet El Cascanueces foi impresionante ver a xente que houbo no auditorio, cubríronse todas as prazas e gustou moitísimo o espectáculo. É para felicitar ao concelleiro de Cultura por estas actividades tan extraordinarias que fan que Burela soe en moitos sitios, non soamente na comarca senón tamén fora. Houbo moita xente que ambientou e gastou no noso pobo”.
Alfredo Llano engadiu que “agora mesmo da gusto contemplar O Baúl do Mago, que está na praza do Concello, onde están entrando moitos nenos e nenas para ver un espectáculo como é a maxia. Vai estar hoxe venres pola mañá e pola tarde. Despois temos a Gala Solidaria da asociación Eu Son. Mañá, sábado, hai outro espectáculo musical co grupo La Bicicleta”.
O rexedor pensa que “a actividade no concello de Burela está sendo acorde ás datas que son. Tratamos de buscar a maneira de motivar á xente a saír da casa. Vai ter moitos lugares a onde poder ir, está a carpa na praza da Mariña e tamén na praza do Concello con moitas actividades e xogos recreativos”.
Llano cre que “debemos esforzarnos para que o Nadal sexa unha motivación grande para crear bo ambiente, para afrontar o novo ano 2019. Aproveito para felicitar a todo o mundo, tanto de Burela como da comarca da Mariña, e que entre todos traballemos por un obxectivo común que non é outro que mellorar o aspecto social, económico, cultural e todo aquilo que sexa positivo para a comarca e para Burela”.
O alcalde burelés anima “á xente que nos queira visitar, ten moito que ver aquí en Burela. Temos tamén pendente a cabalgata de Reis que se vai facer o día 5, para rematar as Festas de Nadal deste ano. Vai estar na praza da Mariña, e tamén alí Ledicia vai facer un belén extraordinario, que se fai todos os anos, moi bonito e moi característico en Burela. Animar á xente tanto do pobo de Burela como aos que están fora, para que aproveiten a facer unha visita a este concello, que agora mesmo está facendo moita actividade e está sendo moi dinámico”.
O Alcalde salienta a cantidade e a calidade das actividades que se están a desenvolver en Burela este nadal
Relacionado
-
Daniel García destacou a participación da mocidade na Rapa das Bestas de Neipín, que bota raíces cunha concorrida segunda edición
-
A Xunta investirá 326.000 euros na substitución do peche perimetral do CEIP Gregorio Sanz de Ribadeo
-
Unha muller falece na Praia de Covas en Viveiro tras sufrir un esvaecemento na auga
Este xoves gozaron dunha xornada chea de diversión, con xogos grupais nos que aprenderon a colaborar e compartir, e actividades de manualidades onde deron renda solta á súa imaxinación. Un espazo para medrar, xogar e facer novas amizades.
A secretaria xeral Técnica, participou este mércores na Misa Solemne na honra da Virxe do Carme na Praza Conde de Fontao.
Está organizado en colaboración coa Federación Galega de Natación (FEGAN). Unha semana para aprender, mellorar e gozar deste deporte tan espectacular. Este sábado, de 10:00 a 12:00, celébrarase a exhibición final na piscina municipal, aberta ao público para ver o traballo realizado durante o campus.
O Deputado de Promoción Económica e Social, Pablo Rivera, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros. A cerimonia celebrouse no marco da programación das Festas do Carme que organiza este municipio mariñán do 11 ao 17 de xullo. A este acto, que continuou coa tradicional ofrenda floral e a procesión, tamén asistiu o Alcalde de Foz e Deputado Provincial, Francisco Cajoto, membros da corporación municipal e numerosos veciños e veciñas e visitantes.
A cita celebrarase do 19 ao 21 de setembro no polideportivo deste municipio e contará coa participación de reputados profesionais do mundo da tornería. A institución provincial colabora un ano máis con este evento realizando unha achega económica de preto de 10.000€ e a impresión de 600 exemplares dun libro que se realizou polo 25 aniversario desta cita.
Trátase dun espazo de 33,5 metros cadrados situado nun inmoble da rúa Rosalía de Castro da localidade. O delegado territorial de Lugo, Javier Arias, e a alcaldesa de Viveiro, Mariña Gueimunde, formalizaron a entrega, que se fai en réxime de alugamento. Arias puxo en valor a colaboración entre a Xunta e as entidades locais para mellorar os servizos públicos que prestan no ámbito municipal.
"Consideramos que non estaría de máis a instalación dunha papeleira fixa na zona, co fin de mellorar a conservación do espazo". "Así mesmo, para quen corresponda, sinalamos que os eucaliptos situados no cantil representan un perigo evidente, tanto pola súa inestabilidade como polo risco que supoñen para as persoas".
