Para celebrar a chegada de Fin de Ano dun xeito deportivo non hai mellor xeito que facelo nas canchas de xogo nas que se adestra durante a tempada, con tal motivo na mañá deste venres tivo lugar no Pavillón Municipal de Viveiro unha intensa e deportiva xornada, chea de momentos de sorriso, gozo e sorpresa entre @s usuari@s de Aspanane e @s seus monitores, xogando primeiro a baloncesto e a continuación a fútbol sala, contando coa inestimable presenza e axuda de Papa Noel, que tivo a xentileza de arbitrar ambos encontros.
Partidos amigables usuari@s & monitor@s de Aspanane
Relacionado
O Deputado de Promoción Económica e Social, Pablo Rivera, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros. A cerimonia celebrouse no marco da programación das Festas do Carme que organiza este municipio mariñán do 11 ao 17 de xullo. A este acto, que continuou coa tradicional ofrenda floral e a procesión, tamén asistiu o Alcalde de Foz e Deputado Provincial, Francisco Cajoto, membros da corporación municipal e numerosos veciños e veciñas e visitantes.
A cita celebrarase do 19 ao 21 de setembro no polideportivo deste municipio e contará coa participación de reputados profesionais do mundo da tornería. A institución provincial colabora un ano máis con este evento realizando unha achega económica de preto de 10.000€ e a impresión de 600 exemplares dun libro que se realizou polo 25 aniversario desta cita.
Trátase dun espazo de 33,5 metros cadrados situado nun inmoble da rúa Rosalía de Castro da localidade. O delegado territorial de Lugo, Javier Arias, e a alcaldesa de Viveiro, Mariña Gueimunde, formalizaron a entrega, que se fai en réxime de alugamento. Arias puxo en valor a colaboración entre a Xunta e as entidades locais para mellorar os servizos públicos que prestan no ámbito municipal.
"Consideramos que non estaría de máis a instalación dunha papeleira fixa na zona, co fin de mellorar a conservación do espazo". "Así mesmo, para quen corresponda, sinalamos que os eucaliptos situados no cantil representan un perigo evidente, tanto pola súa inestabilidade como polo risco que supoñen para as persoas".
