Ribadeo, 20 de decembro 2018. A emisora RadioVoz realizará mañá, 21 de decembro, un programa especial desde Foz, que estará centrado no Nadal nesta vila mariñá. Estará dirixido e presentado por Félix Jorquera e polo mesmo pasarán, entre outros convidados, o alcalde, Javier Castiñeira, a técnica de Cultura, Pilar López, así como Ramón Castro e Pura García, hostaleiro e comerciante que contan con negocios na recentemente reformada avenida Álvaro Cunqueiro.
O programa, que se emitirá de 10 a 12 da mañá, será realizado desde Cafetería Pastelería Anduriña.
