Este xoves celebrarase, no Salón de Actos do Colexio Martínez Otero, a Velada de Nadal 2018 desde as 19h. Este evento, que é de acceso libre e gratuíto, congrega todos os anos a máis de 500 persoas interesadas en ver as diferentes representacións que desenvolve o alumnado do Colexio: coreografías, obras de teatro, musicais, comedia etc. Os números que se verán sobre o escenario contan coa participación de todos os cursos, desde 4º de Infantil ata 4º da ESO. A Velada estará presentada polo alumnado de 4º da ESO, posto que é o derradeiro ano que cursa no Colexio.
