A asociación Nordés organiza este venres 1 de febreiro un relatorio na Casa do Concello de Mañón sobre o mundo das enerxías renovables

Mañón 28-1-19. A asociación Nordés organiza o venres 1 de febreiro, ás 20:00h., un relatorio na Casa do Concello de Mañón (O Barqueiro) a cargo de Gilberto Gil (enxeñeiro mecánico e máster en enerxías renovables) sobre o mundo das enerxías renovables dando resposta ás preguntas máis habituais sobre o tema. Ademáis, plantexará unha proposta real e práctica para a instalación de fontes de enerxía fotovoltaica en vivendas coma as da nosa contorna, dando datos económicos e técnicos.

Para o sábado 2 de febreiro, organízase unha visita guiada ao Parque Eólico Experimental “Sotavento”, en Xermade (Lugo).

Alí coñeceremos de primeira mán os avances que en materia de enerxía renovable se están a acadar, tendo por obxectivo a protección do Medio Ambiente apostando pola eficiencia e o aforro enerxético. Un proxecto divulgativo orientado a todas as idades.

A visita será de balde para asociadas e asociados a Nordes e cun prezo de 5€ para que non o sexa.

Ademáis, é preciso anotarse antes do xoves 31 de xaneiro, no 653 75 64 54 (Ricardo) ou en asociacion.nordes@gmail.com.