A Selección de Galicia Sub16, co xogador laranxa Jorge Quelle, acadou brillantemente a clasificación para a final

Burela 28-1-9. Completou unha fase previa perfecta en Almendralejo, con tres vitorias en tres partidos, e en todos os casos por goleada. Galicia rematou a fase previa gañando por un contundente 9-1 os anfitrións. O combinado galego será un dos catro que loite polo título nacional en Las Rozas.

A Irmandiña xogará o 16 de febreiro contra Castela A Mancha por unha praza na final do Campionato de España. A outra semifinal disputarana a Comunidade Valenciana e Murcia. A fase final disputarase, coma todas as de fútbol sala, no polideportivo da Federación Española na Ciudad del Fútbol de Las Rozas. O sábado 16 serán as semifinais e o domingo 17 a final.