O delegado territorial da Xunta en Lugo, José Manuel Balseiro, asistiu ao encontro entre o Viveiro Club de Fútbol e o Club Deportivo de As Pontes xornada na que tivo lugar a inauguración do novo rego automático posto en marcha neste campo, grazas a este apoio.
“Atendendo a peticións que nos fixo chegar a directiva do club, a iniciativa permite dotar ás instalacións dun sistema do que carecía o que obrigaba a realizar estas operacións de coidado do céspede e do campo de xogo de xeito manual”-explicou
A axuda instrumentalizouse a través dun convenio de colaboración co Concello de Viveiro, por ser este o titular das instalacións deportivas.
O Viveiro Club de Fútbol dispón na actualidade dun equipo competindo na liga rexional preferente e de distintos equipos en categorías inferiores, algúns en competicións autonómicas. Ademais está a piques de celebrar o seu centenario.