Balseiro sinalou que estes campionatos “son un referente en todo o Estado” e “unha plataforma para os alumnos e profesionais do sector do café de cara á súa proxección no mercado laboral”. Neste sentido, explicou que estes eventos poñen en evidencia que “a calidade está en relación directa coa formación e a profesionalidade”, o que significa que “se baseamos a nosa oferta turística na calidade, temos que confiar nos profesionais en todos os ámbitos, tamén no da hostalería e a restauración”.