No día de hoxe dous biólogos mariños de Maremasma impartíronlle unha charla ao alumnado de primaria, que tamén contou coa participación da edil de Medio Ambiente, Mali Méndez e que levaba por título “explorando o medio mariño: o ourizo de mar”.
Mañá os nenos e nenas farán unha saída do centro para descubrir os ecosistemas intermareais e o hábitat do ourizo de mar.
Estas actividades están incluídas no proxecto Cervo a carón do mar, financiado polo GALP A Mariña-Ortegal.
Ademais, esta mesma tarde, ás 16:30 horas, como actividade complemetaria á Festa do Ourizo, terá lugar a inauguración da exposición “Áreas Mariñas Protexidas”, que se poderá visitar na Casa da Cultura ata o 26 de marzo.
A mostra foi elaborada polo Centro de Extensión Universitaria e Divulgación Ambiental de Galicia (CEIDA); e o obxectivo pasa por sensibilizar ao público visitante arredor da importancia do mar e do litoral como patrimonio esgotable e recurso cultural e económico; dar a coñecer a figura das áreas mariñas protexidas como eficar estratexia de conservación do mar e do litoral, e sinalar o papel que cada un de nós pode xogar á hora de inclinar a balanza cara á conservación, ou non, do mar.
A información que se pode atopar estrutúrase en catro bloques: recursos do mar, problemáticas de conservación, a pesca en Galicia e as Áreas Mariñas Protexidas.