Este venres, parte do alumnado do Colexio Tirso de Molina, de Ferrol, visitará Viveiro. En primeiro lugar, visitarán a Lonxa do Porto de Celeiro, onde serán recibidos polo Concelleiro do Mar, Jesús Fernández Fernández, para participar no programa Mariñeiros por un Día, que organiza, coordina e patrocina a Cofradía de Pescadores de Celeiro; posteriormente, desprazaranse ata o Monte San Roque, pasearán polo centro histórico de Viveiro -para coñecer os principais monumentos- e, finalmente, desprazaranse ao eucaliptal de Chavín. Nesta excursión, participan un total de 100 nenos, de 5º e 6º de primaria, ademais dos correspondentes docentes.