A nova Dirección Executiva estará formada polo Presidente, o Vicepresidente, o Tesoureiro, o Secretario e os Vogais. Neste sentido preténdense crear seis vogalías, correspondentes a Acción Social, Innovación, Territorio, Coñecemento, Participación e Economía, así como unha Vicesecretaría de Organización e Portavocía. Os membros da dirección serán elixidos entre os diferentes militantes que se integraron no partido na campaña de captación de afiliados que se está a levar a cabo. Ademais, na orde do día da Asemblea tamén se contempla a ratificación dos acordos da actual Dirección Executiva provisional, a dación de contas da xestión dos membros electos e a información e seguimento do plan de traballo de cara ás próximas eleccións municipais.