Dende o Concello de Viveiro valórase moi positivamente esta visita, tendo en conta que Alberto Rivas conta cun gran número de seguidores nas súas plataformas dixitais e considerando que as reseñas que poida facer sobre Viveiro suporán, sen lugar a dúbidas, unha importante promoción turística para o Concello de Viveiro.
Quedamos á espera de coñecer as impresións que Alberto Rivas transmitirá aos seus milleiros de seguidores a través das súas distintas plataformas dixitais (alvientoo e maisgrelos), agardando que sirvan para coñecer un pouco máis os recursos que Viveiro ofrece ao visitante.