Os socialistas puxeron en valor este sábado as medidas do Goberno de Pedro Sánchez no Valadouro. Participaron o candidato do PSOE ao Senado, César Mogo, o Alcalde do Valadouro, Edmundo Maseda, a Deputada socialista no Parlamento Galego, Patricia Otero, así como compañeiros na Mariña. Durante o encontro os socialistas repartiron información sobre o programa electoral que ofrece o Partido Socialista aos lucenses para as eleccións xerais e agasallaron aos veciños con rosas.
