Os gañadores desta edición foron Ramón Francisco Eijo Balseiro, de Xove, (1º premio categoría adulto) co relato ”Un soño de Maio” e Carlota Eijo Rodríguez, de Xove, (1º premio categoría infantil) co relato “Os Maios”. Os gañadores recolleron o seu premio este domingo no local social de Trasbar. O premio consistiu nun vale de compra valorado en 100 euros na xoiería “Kessarys” de Burela para o premio da categoría adulto e un vale de compra valorado en 100 euros na zapatería “Calzados Tomás” de Burela para a categoría infantil. A maiores, toda a xente que participou recibirá o seu diploma.
Dende a Asociación de veciños do burgo de Trasbar queremos agradecer a participación. Agardamos poder contar coa mesma aceptación en vindeiras edicións deste certame, así como nas actividades que organizamos ao longo do ano.