Piñeiro asistiu á posta de largo da coalición en Bilbao, onde se reafirmou no compromiso de CxG “cos dereitos sociais e as políticas de potenciación da industria, ademais dunha aposta sen fisuras por Galicia na Europa dos pobos” como defende o partido galeguista desde os seus inicios. “A Maríña tamén se xoga un futuro con máis posibilidades nestas eleccións. Non existen mellores compañeiros de viaxe no parlamento europeo que os nosos socios de EAJ-PNV, con Izaskun Bilbao Barandica á cabeza, porque levan anos demostrando que sempre están ao noso lado para apoiarnos na defensa dos intereses de Galicia”.
