No vídeo aparecen funcionarios, refuxiados, avogados, políticos, enxeñeiros, mestres, médicos, executivos, traballadores na conserveira, na casa… no que expresan algún dos motivos polos que se senten orgullosos como “porque é unha terra marabillosa para vivir e desenvolver a túa vida, pola súa xente, por como acolleron á miña familia, pola intención de futuro, por ser a provincia onde nacín, porque está chea de contrastes, pola súa xente amable, porque vale a pena traballar por ela, polos veciños que están orgullosos do seu pasado, polo seu clima, pola tranquilidade, porque temos as mellores praias, pola calidade de vida…orgullosos de ser de Lugo”.
As persoas interesadas poderán participar pensando nun motivo, nun lugar, nun detalle, nun elemento ou sentimento que esperte o orgullo de ser lucense e publicándoo a través dun vídeo, unha foto ou un texto na súa conta de Facebook ou Instagram co hahstag #OrgullososdeSerdeLugo. O contido ten que ser público para que poida ser visible e saír nas redes sociais da web. Hai dispoñible máis información e un vídeo tutorial de como participar en www.orgullososdeserdelugo.gal