O concelleiro de Cultura, Manuel Arango, explica que “nesta actividade preténdense contar coa colaboración do comercio local e de profesionais da hostalería. O Concello subvenciona o 50 por cento do prezo da actividade, sendo o custo final para as familias de 55 euros por nen@ e mes, cun desconto do 20 por cento a partir do segundo irmán. O prazo de inscrición remata o 26 de xuño e pode realizarse nas oficinas municipais ou na biblioteca do Concello”.
Manuel Arango engade que “tal é como aparecía no programa electoral dos socialistas de Lourenzá, as Escolas de Verán e de Nadal son unha das actividades que a Concellería de Cultura pretende por en marcha nesta nova lexislatura. A intención da Concellería de Cultura é que estas actividades saian a concurso a partir do próximo ano para que todas as empresas, legalmente constituídas, que o desexen, poidan presentar os seus proxectos”.