A Deputada de Economía, Mayra García Bermúdez, e o Alcalde de Burela, Alfredo Llano, xunto a outras autoridades, participaron este sábado na inauguración da XXXV Feira do Bonito da localidade mariñana, que se celebrará ata mañá domingo, co recoñecemento, por primeira vez, de Festa de Interese Turístico Nacional. García Bermúdez subliñou que a Deputación colabora achegando 8.500 euros a esta gran festa gastronómica “para fomentar o turismo na Mariña e promocionar un dos nosos recursos pesqueiros máis importantes do que viven miles de familias lucenses e que constitúe un auténtico motor para o desenvolvemento económico da provincia”.
