A Festa Normanda de Foz protagonizou este venres un programa especial de RadioVoz

 Foz, 30 de agosto de 2019. RadioVoz realizou hoxe, venres, un programa especial en directo desde Foz con motivo da celebración da Festa Normanda. Escoitouse a través de todas as emisoras desta cadea na provincia lucense: Lugo, Ribadeo, Viveiro, Vilalba, Sarria, Monforte e Chantada.
O espazo radiofónico emitiuse de 10 a 12 da mañá desde o restaurante Tangarte Mariñeiro e foi presentado e dirixido por Félix Jorquera.
Participaron neste programa de RadioVoz para a toda a provincia de Lugo o alcalde de Foz, Fran Cajoto; o concelleiro de Turismo, Chema Linares; o presidente da comisión organizadora da Festa Normanda, Pablo Fraga; a pregoeira do evento, a actriz Belinda Washington; o propietario do restaurante Tangarte Mariñeiro, Rubén Rodríguez Lillo; ademais de José Ramón Vila e Manolo Chinchón, que son actores nas representacións da festa.