Segundo explican “un grupo de nenos e nenas identificaron algunhas das especies principais existentes na nosa zona durante un tramo do paseo marítimo que transcorre entre a praia de O Portelo e a praia de A Marosa. Posteriormente no Cabaliño cada participante elaborou unha pequena guía a modo de herbolario co nome da especie e unha pequena mostra das súas follas. Para a elaboración da guía manexáronse guías didácticas con fotografías, nomes e características das especies”. Desde a Concellería de Medio Ambiente sinalan que “con estas actividades preténdese estar en contacto directo coa natureza, recoñecer, respectar e coidar a vexetación da nosa contorna”.
